عمري بقلم ناجى أنس 

عام   غزل.وحنين منذ 3 سنوات و 5 شهور 52



 



عمرى
حسيت من ثواني
إنك حبيبه القلب
ان انتي عشقاني
وبقيتي اغلي حب

ضحكتلي الدنيا تاني
حسيت ويا همسك
اني ياحياتي ملكك
وان انتي ملكاني

سمعت لدق قلبك
بيقول اجمل كلام
رحت دايب في حبك
عيشني كل الغرام

حبيبتي انتي عارفه
انك حلمي وحياتي
والدنيا بيكي تحلي
وياها كمان اهاتي

لو العشق اللي فيا
انتي مش داريه بيه
بص بس ف عنيا
حتقولك انتي ايه

مفيش في الكون دا كله
حاجه تغنيني عنك
وازاي قلبك اقوله
عشقك مقدرش اقولك

انا كل مافكر اني
قدرت علي البعد حبه
ألقي قلبي يلومني
وتبقي حالته صعبه

ماهو مش معني السكوت
اني اعيش بدونك
داناعندي اني اموت
ولاابعد عن عيونك

متفكريش للحظه
ابيعك لو تبيعي
وانتي اكيد ملاحظه
في بعدك انا مش طبيعي

ناقصني حاجات كتير
وانتي يمكن تحسي
بصراحه ليكي تأ ثير
بياخدني من نفسي

ممكن بقي توعديني
اننا مانسبش بعض
حبيبتي صدقيني
حيبقي دا اغلي وعد

لوعاوزه تموتيني
وانا ناقص مني عمر
ابقي براحتك سبيي
ثانيه بدونك تمر

اقولك ايه حبيبتي
واجيب منين معاني
مابحبش الا انتي
ولا حاقدر احب تاني

حد يحبك ويقدر
يفكرفي أي واحده
باحبك يمكن اكتر
من جنه عشقت ملايكه

بلاش تسبيني تاني
ياروحي لوحتي ثانيه
في البعد انا وحداني
غريب في الدنيا دي

وانا عن نفسي حابقي
انا وقلبي اسيرك
عاشقك في كل دقه
مبحبش حد غيرك

وفين زيك حلاقي ؟
ياروح قلبي انتي
كفايه في اشتياقي
باتجنن لوبعدتي

لو حافضل طول حياتي
اكتب كلام عليكي
مش حتكفي حياتي
اوصف نظره عنيكي

ولا يكفيني كمان
حياه الناس بحالها
عشان اوصف حاجات
صعب عليا ان اقولها

شفتي ياحبيبتي
حبك بيساوي ايه
مافيش زيك انتي
احساس دوبني فيه

انتي منتيش عاديه
ولازيك اي حد
وانا قلت الكلمه ديا
مش مجامله بجد

بعد اللي قلبي قالوا
اجيب كلام منين
قلبك مفيش ميثاله
في قلوب العاشقين

وعشان انا قلبي عاشقك
سلمت ياعمري ليكي
مانا عمري لو حاسيبك
عمرى مالوش لزمه الا بيكي
 

إضافه رد جديد
مجموع التعليقات (0)