قصيدة مخنوق قوى ..بقلم الشاعر بسام فوزى

عام   غزل.وحنين منذ 3 سنوات و 2 شهور 38

قصيدة مخنوق قوى ..بقلم الشاعر بسام فوزى


قصيدة مخنوق قوى ..بقلم الشاعر بسام فوزى

 

مخنوق قوى ولمين هبوح
ولمين راح احكى شكوتى
وأزاى راح امشى سكتى
و القلب بقى مليان جروح
مخنوق قوى ولمين هبوح

يا كل اهلى وعزوتى وصحبتى
يا خسارة هاجرت ضحكتى
وبقيت وحيد من غير سند
والجدر بقى من غير وتد
م الحزن تعبت صحتى
يا كل اهل وعزوتى
مبقتش قادر اغنى تانى
ماتت خلاص اغنيتى
من نحيتى مبقتش عارف سكتى

محبوس فقمقم ذكريات
عقلى شريد من الاهات
موش قادر انسى حد مات
محبوس فبحر من المواجع
والحجات محبوس فقمقم
ذكريات


صابنى فطريقى الف سهم
وحدى بعافر والمركبة تَيها وحزينة
على ضهرها
من يوم ما غرقت
السفينة فبحر دم
ومن يا غالية يفتكر ومين هنا يهتم



السكة صعبة والطريق مليان مهالك
غابـــة يادنيا ومعدش فيكى حد سالك
من كتر ما لفيت على الافراح زمان
حاسس كأنى موش كذلك

الفرح لية سابنى وهاجرنى
والشعر قل والفكر زاد
باعوا المشاعر فى المزاد
ومين فوق الشدة طبطب
ومين فراسى قعد يخبط
ومين نَصرنى

 

 
 

إضافه رد جديد
مجموع التعليقات (0)